१००-१३. सरणदुक-परित्तारम्मणत्तिकं

९४. सरणं परित्तारम्मणं धम्मं पटिच्च नसरणो नपरित्तारम्मणो धम्मो उप्पज्जति हेतुपच्चया. अरणं परित्तारम्मणं धम्मं पटिच्च नसरणो नपरित्तारम्मणो धम्मो उप्पज्जति हेतुपच्चया. हेतुया द्वे.

सरणं महग्गतारम्मणं धम्मं पटिच्च नसरणो नमहग्गतारम्मणो धम्मो उप्पज्जति हेतुपच्चया. अरणं महग्गतारम्मणं धम्मं पटिच्च नसरणो नमहग्गतारम्मणो धम्मो उप्पज्जति हेतुपच्चया. हेतुया द्वे.

अरणं अप्पमाणारम्मणं धम्मं पटिच्च नसरणो नअप्पमाणारम्मणो धम्मो उप्पज्जति हेतुपच्चया. हेतुया एकं.