१-७. पटिच्चवारादि

९. कुसलं अदुक्खमसुखाय वेदनाय सम्पयुत्तं धम्मं पटिच्च कुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया. (१)

अकुसलं अदुक्खमसुखाय वेदनाय सम्पयुत्तं धम्मं पटिच्च अकुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया. (१)

अब्याकतं अदुक्खमसुखाय वेदनाय सम्पयुत्तं धम्मं पटिच्च अब्याकतो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया. (१)

१०. हेतुया तीणि, आरम्मणे तीणि…पे… अविगते तीणि. (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

११. कुसलो अदुक्खमसुखाय वेदनाय सम्पयुत्तो धम्मो कुसलस्स अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो. (१)

अकुसलो अदुक्खमसुखाय वेदनाय सम्पयुत्तो धम्मो अकुसलस्स अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो. (१)

अब्याकतो अदुक्खमसुखाय वेदनाय सम्पयुत्तो धम्मो अब्याकतस्स अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो. (१) (संखित्तं.)

१२. हेतुया तीणि, आरम्मणे नव, अधिपतिया सत्त, अनन्तरे सत्त…पे… उपनिस्सये नव, अविगते तीणि. (संखित्तं. यथा कुसलत्तिके पञ्हावारं एवं वित्थारेतब्बं.)