१-७. पटिच्चवारादि

हेतुपच्चयो

१०५. नेवदस्सनेन नभावनाय पहातब्बहेतुकं कुसलं धम्मं पटिच्च नेवदस्सनेन नभावनाय पहातब्बहेतुको कुसलो धम्मो उप्पज्जति हेतुपच्चया. (सब्बत्थ एकं. सब्बत्थ वित्थारो.)

१०६. दस्सनेन पहातब्बहेतुकं अकुसलं धम्मं पटिच्च दस्सनेन पहातब्बहेतुको अकुसलो धम्मो उप्पज्जति हेतुपच्चया.

भावनाय पहातब्बहेतुकं अकुसलं धम्मं पटिच्च भावनाय पहातब्बहेतुको अकुसलो धम्मो उप्पज्जति हेतुपच्चया. (संखित्तं.)

हेतुया छ, आरम्मणे दस, अधिपतिया द्वे…पे… अविगते दस. (सब्बत्थ वित्थारो.)

१०७. नेवदस्सनेन नभावनाय पहातब्बहेतुकं अब्याकतं धम्मं पटिच्च नेवदस्सनेन नभावनाय पहातब्बहेतुको अब्याकतो धम्मो उप्पज्जति हेतुपच्चया. (सब्बत्थ एकं.)