१-७. पटिच्चवारादि

हेतुपच्चयो

९५. असंकिलिट्ठसंकिलेसिकं कुसलं धम्मं पटिच्च असंकिलिट्ठसंकिलेसिको कुसलो धम्मो उप्पज्जति हेतुपच्चया.

असंकिलिट्ठअसंकिलेसिकं कुसलं धम्मं पटिच्च असंकिलिट्ठअसंकिलेसिको कुसलो धम्मो उप्पज्जति हेतुपच्चया. (सब्बत्थ द्वे.)

संकिलिट्ठसंकिलेसिकं अकुसलं धम्मं पटिच्च संकिलिट्ठसंकिलेसिको अकुसलो धम्मो उप्पज्जति हेतुपच्चया. (सब्बत्थ एकं.)

असंकिलिट्ठसंकिलेसिकं अब्याकतं धम्मं पटिच्च असंकिलिट्ठसंकिलेसिको अब्याकतो धम्मो उप्पज्जति हेतुपच्चया. (संखित्तं.)

हेतुया पञ्च.