१-७. पटिच्चवारादि

७२. कुसलं अतीतारम्मणं धम्मं पटिच्च कुसलो अतीतारम्मणो धम्मो उप्पज्जति हेतुपच्चया. (१)

अकुसलं अतीतारम्मणं धम्मं पटिच्च अकुसलो अतीतारम्मणो धम्मो उप्पज्जति हेतुपच्चया. (१)

अब्याकतं अतीतारम्मणं धम्मं पटिच्च अब्याकतो अतीतारम्मणो धम्मो उप्पज्जति हेतुपच्चया. (१) (संखित्तं.)

हेतुया तीणि, अविगते तीणि. (संखित्तं.)

(सहजातवारम्पि…पे… सम्पयुत्तवारम्पि पटिच्चवारसदिसं.)

७३. कुसलो अतीतारम्मणो धम्मो कुसलस्स अतीतारम्मणस्स धम्मस्स हेतुपच्चयेन पच्चयो. (१)

अकुसलो अतीतारम्मणो धम्मो अकुसलस्स अतीतारम्मणस्स धम्मस्स हेतुपच्चयेन पच्चयो. (१)

अब्याकतो अतीतारम्मणो धम्मो अब्याकतस्स अतीतारम्मणस्स धम्मस्स हेतुपच्चयेन पच्चयो. (१) (संखित्तं.)

हेतुया तीणि, आरम्मणे नव, अविगते तीणि. (संखित्तं. यथा कुसलत्तिके पञ्हावारं एवं वित्थारेतब्बं.)

७४. कुसलं अनागतारम्मणं धम्मं पटिच्च कुसलो अनागतारम्मणो धम्मो उप्पज्जति हेतुपच्चया. (संखित्तं.)

हेतुया तीणि, आरम्मणे तीणि, अविगते तीणि. (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं.)

७५. कुसलो अनागतारम्मणो धम्मो कुसलस्स अनागतारम्मणस्स धम्मस्स हेतुपच्चयेन पच्चयो. (संखित्तं.)

हेतुया तीणि, आरम्मणे नव, अविगते तीणि. (संखित्तं. यथा कुसलत्तिके पञ्हावारं, एवं वित्थारेतब्बं.)

७६. कुसलं पच्चुप्पन्नारम्मणं धम्मं पटिच्च कुसलो पच्चुप्पन्नारम्मणो धम्मो उप्पज्जति हेतुपच्चया. (संखित्तं.)

७७. कुसलो पच्चुप्पन्नारम्मणो धम्मो कुसलस्स पच्चुप्पन्नारम्मणस्स धम्मस्स हेतुपच्चयेन पच्चयो. (१)

अकुसलो पच्चुप्पन्नारम्मणो धम्मो अकुसलस्स पच्चुप्पन्नारम्मणस्स धम्मस्स हेतुपच्चयेन पच्चयो. (१)

अब्याकतो पच्चुप्पन्नारम्मणो धम्मो अब्याकतस्स पच्चुप्पन्नारम्मणस्स धम्मस्स हेतुपच्चयेन पच्चयो. (१) (संखित्तं.)

हेतुया तीणि, आरम्मणे छ, अविगते तीणि. (संखित्तं. यथा कुसलत्तिके पञ्हावारं, एवं वित्थारेतब्बं.)