१-७. पटिच्चवारादि

६७. कुसलं मग्गारम्मणं धम्मं पटिच्च कुसलो मग्गारम्मणो धम्मो उप्पज्जति हेतुपच्चया. (१)

अब्याकतं मग्गारम्मणं धम्मं पटिच्च अब्याकतो मग्गारम्मणो धम्मो उप्पज्जति हेतुपच्चया. (१) (संखित्तं.)

हेतुया द्वे…पे… अविगते द्वे. (संखित्तं. सब्बत्थ वित्थारो.)

६८. कुसलं मग्गहेतुकं धम्मं पटिच्च कुसलो मग्गहेतुको धम्मो उप्पज्जति हेतुपच्चया. (संखित्तं.)

हेतुया एकं…पे… अविगते एकं. (सब्बत्थ एकं. संखित्तं.)

६९. कुसलं मग्गाधिपतिं धम्मं पटिच्च कुसलो मग्गाधिपति धम्मो उप्पज्जति हेतुपच्चया. (१)

अब्याकतं मग्गाधिपतिं धम्मं पटिच्च अब्याकतो मग्गाधिपति धम्मो उप्पज्जति हेतुपच्चया. (१) (संखित्तं).

हेतुया द्वे…पे… अविगते द्वे. (संखित्तं. सब्बत्थ वित्थारो).