५३-१. परामासपरामट्ठदुक-कुसलत्तिकं

१-७. पटिच्चवारादि

पच्चयचतुक्कं

२३. परामट्ठञ्चेव नो च परामासं कुसलं धम्मं पटिच्च परामट्ठो चेव नो च परामासो कुसलो धम्मो उप्पज्जति हेतुपच्चया (संखित्तं).

२४. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

२५. परामासञ्चेव परामट्ठञ्च अकुसलं धम्मं पटिच्च परामट्ठो चेव नो च परामासो अकुसलो धम्मो उप्पज्जति हेतुपच्चया… एकं.

परामट्ठञ्चेव नो च परामासं अकुसलं धम्मं पटिच्च परामट्ठो चेव नो च परामासो अकुसलो धम्मो उप्पज्जति हेतुपच्चया… तीणि.

परामासञ्चेव परामट्ठं अकुसलञ्च परामट्ठञ्चेव नो च परामासं अकुसलञ्च धम्मं पटिच्च परामट्ठो चेव नो च परामासो अकुसलो धम्मो उप्पज्जति हेतुपच्चया… एकं (संखित्तं).

२६. हेतुया पञ्च, आरम्मणे पञ्च…पे… अविगते पञ्च (संखित्तं).

(सहजातवारम्पि…पे… सम्पयुत्तवारम्पि वित्थारेतब्बं.)

२७. परामट्ठो चेव नो च परामासो अकुसलो धम्मो परामट्ठस्स चेव नो च परामासस्स अकुसलस्स धम्मस्स हेतुपच्चयेन पच्चयो (संखित्तं).

२८. हेतुया तीणि, आरम्मणे नव, अधिपतिया नव…पे… अविगते पञ्च (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

२९. परामट्ठञ्चेव नो च परामासं अब्याकतं धम्मं पटिच्च परामट्ठो चेव नो च परामासो अब्याकतो धम्मो उप्पज्जति हेतुपच्चया (संखित्तं).

३०. हेतुया एकं, आरम्मणे एकं…पे… अविगते एकं (संखित्तं). (सहजातवारेपि…पे… पञ्हावारेपि सब्बत्थ एकं.)