१-७. पटिच्चवारादि

पच्चयचतुक्कं

हेतुपच्चयो

१. नोपरामासं कुसलं धम्मं पटिच्च नोपरामासो कुसलो धम्मो उप्पज्जति हेतुपच्चया (संखित्तं).

२. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

३. परामासं अकुसलं धम्मं पटिच्च नोपरामासो अकुसलो धम्मो उप्पज्जति हेतुपच्चया. (१)

नोपरामासं अकुसलं धम्मं पटिच्च नोपरामासो अकुसलो धम्मो उप्पज्जति हेतुपच्चया… तीणि.

परामासं अकुसलञ्च नोपरामासं अकुसलञ्च धम्मं पटिच्च नोपरामासो अकुसलो धम्मो उप्पज्जति हेतुपच्चया. (१) (संखित्तं.)

४. हेतुया पञ्च, आरम्मणे पञ्च…पे… अविगते पञ्च (संखित्तं).

नहेतुया एकं, नअधिपतिया पञ्च, नपुरेजाते पञ्च, नपच्छाजाते पञ्च…पे… (संखित्तं). (सहजातवारम्पि…पे… सम्पयुत्तवारम्पि वित्थारेतब्बं.)

५. नोपरामासो अकुसलो धम्मो नोपरामासस्स अकुसलस्स धम्मस्स हेतुपच्चयेन पच्चयो (संखित्तं).

६. हेतुया तीणि, आरम्मणे नव, अधिपतिया नव…पे… अविगते पञ्च (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

७. नोपरामासं अब्याकतं धम्मं पटिच्च नोपरामासो अब्याकतो धम्मो उप्पज्जति हेतुपच्चया (संखित्तं).

८. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)