१-७. पटिच्चवारादि

पच्चयचतुक्कं

हेतुपच्चयो

१६. गन्थविप्पयुत्तं कुसलं धम्मं पटिच्च गन्थविप्पयुत्तो कुसलो धम्मो उप्पज्जति हेतुपच्चया (संखित्तं).

१७. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

१८. गन्थसम्पयुत्तं अकुसलं धम्मं पटिच्च गन्थसम्पयुत्तो अकुसलो धम्मो उप्पज्जति हेतुपच्चया… तीणि.

गन्थविप्पयुत्तं अकुसलं धम्मं पटिच्च गन्थविप्पयुत्तो अकुसलो धम्मो उप्पज्जति हेतुपच्चया… द्वे.

गन्थसम्पयुत्तं अकुसलञ्च गन्थविप्पयुत्तं अकुसलञ्च धम्मं पटिच्च गन्थसम्पयुत्तो अकुसलो धम्मो उप्पज्जति हेतुपच्चया. (१) (संखित्तं.)

१९. हेतुया छ, आरम्मणे छ, अधिपतिया पञ्च…पे… अविगते छ (संखित्तं).

नहेतुया एकं, नअधिपतिया छ, नपुरेजाते छ…पे… नकम्मे चत्तारि, नविप्पयुत्ते छ (संखित्तं).

(सहजातवारोपि…पे… सम्पयुत्तवारोपि वित्थारेतब्बा.)

२०. गन्थसम्पयुत्तो अकुसलो धम्मो गन्थसम्पयुत्तस्स अकुसलस्स धम्मस्स हेतुपच्चयेन पच्चयो (संखित्तं).

२१. हेतुया छ, आरम्मणे नव, अधिपतिया नव, अनन्तरे नव, सहजाते छ…पे… निस्सये छ, उपनिस्सये नव, आसेवने नव, कम्मे चत्तारि…पे… मग्गे चत्तारि, सम्पयुत्ते छ…पे… अविगते छ (संखित्तं).

२२. गन्थविप्पयुत्तं अब्याकतं धम्मं पटिच्च गन्थविप्पयुत्तो अब्याकतो धम्मो उप्पज्जति हेतुपच्चया (संखित्तं).

२३. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)