१-७. पटिच्चवारादि

पच्चयचतुक्कं

हेतुपच्चयो

१०. गन्थनियं कुसलं धम्मं पटिच्च गन्थनियो कुसलो धम्मो उप्पज्जति हेतुपच्चया. (१)

अगन्थनियं कुसलं धम्मं पटिच्च अगन्थनियो कुसलो धम्मो उप्पज्जति हेतुपच्चया. (१) (संखित्तं.)

११. हेतुया द्वे, आरम्मणे द्वे…पे… अविगते द्वे (संखित्तं, लोकियलोकुत्तरगमनसदिसं).

(सहजातवारोपि…पे… पञ्हावारोपि वित्थारेतब्बा.)

१२. गन्थनियं अकुसलं धम्मं पटिच्च गन्थनियो अकुसलो धम्मो उप्पज्जति हेतुपच्चया (संखित्तं).

१३. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

१४. गन्थनियं अब्याकतं धम्मं पटिच्च गन्थनियो अब्याकतो धम्मो उप्पज्जति हेतुपच्चया. (१)

अगन्थनियं अब्याकतं धम्मं पटिच्च अगन्थनियो अब्याकतो धम्मो उप्पज्जति हेतुपच्चया… तीणि. (३)

गन्थनियं अब्याकतञ्च अगन्थनियं अब्याकतञ्च धम्मं पटिच्च गन्थनियो अब्याकतो धम्मो उप्पज्जति हेतुपच्चया. (१) (संखित्तं.)

१५. हेतुया पञ्च, आरम्मणे द्वे…पे… अविगते पञ्च (संखित्तं, लोकियलोकुत्तरगमनसदिसं).

(सहजातवारोपि…पे… पञ्हावारोपि वित्थारेतब्बा.)