१-७. पटिच्चवारादि

पच्चयचतुक्कं

हेतुपच्चयो

३८. गन्थविप्पयुत्तं गन्थनियं कुसलं धम्मं पटिच्च गन्थविप्पयुत्तो गन्थनियो कुसलो धम्मो उप्पज्जति हेतुपच्चया. (१)

गन्थविप्पयुत्तं अगन्थनियं कुसलं धम्मं पटिच्च गन्थविप्पयुत्तो अगन्थनियो कुसलो धम्मो उप्पज्जति हेतुपच्चया. (१) (संखित्तं.)

३९. हेतुया द्वे, आरम्मणे द्वे…पे… अविगते द्वे (संखित्तं).

(सहजातवारोपि…पे… पञ्हावारोपि सब्बत्थ वित्थारेतब्बा.)

४०. गन्थविप्पयुत्तं गन्थनियं अकुसलं धम्मं पटिच्च गन्थविप्पयुत्तो गन्थनियो अकुसलो धम्मो उप्पज्जति हेतुपच्चया (संखित्तं).

४१. हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

४२. गन्थविप्पयुत्तं गन्थनियं अब्याकतं धम्मं पटिच्च गन्थविप्पयुत्तो गन्थनियो अब्याकतो धम्मो उप्पज्जति हेतुपच्चया. (१)

गन्थविप्पयुत्तं अगन्थनियं अब्याकतं धम्मं पटिच्च गन्थविप्पयुत्तो अगन्थनियो अब्याकतो धम्मो उप्पज्जति हेतुपच्चया… तीणि.

गन्थविप्पयुत्तं गन्थनियं अब्याकतञ्च गन्थविप्पयुत्तं अगन्थनियं अब्याकतञ्च धम्मं पटिच्च गन्थविप्पयुत्तो गन्थनियो अब्याकतो धम्मो उप्पज्जति हेतुपच्चया. (१) (संखित्तं.)

४३. हेतुया पञ्च, आरम्मणे द्वे…पे… विपाके पञ्च…पे… अविगते पञ्च (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

४४. गन्थविप्पयुत्तो गन्थनियो अब्याकतो धम्मो गन्थविप्पयुत्तस्स गन्थनियस्स अब्याकतस्स धम्मस्स हेतुपच्चयेन पच्चयो. (१)

गन्थविप्पयुत्तो अगन्थनियो अब्याकतो धम्मो गन्थविप्पयुत्तस्स अगन्थनियस्स अब्याकतस्स धम्मस्स हेतुपच्चयेन पच्चयो… तीणि (संखित्तं).

४५. हेतुया चत्तारि, आरम्मणे तीणि, अधिपतिया चत्तारि…पे… अविगते सत्त. (संखित्तं.)

४६. नहेतुया सत्त, नआरम्मणे सत्त (संखित्तं).

हेतुपच्चया नआरम्मणे चत्तारि (संखित्तं).

नहेतुपच्चया आरम्मणे तीणि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

गन्थगोच्छककुसलत्तिकं निट्ठितं.

(ओघगोच्छकम्पि योगगोच्छकम्पि आसवगोच्छककुसलत्तिकसदिसं.)