१-६. पटिच्चवारादि

पच्चयचतुक्कं

हेतुपच्चयो

२०. सञ्ञोजनविप्पयुत्तं कुसलं धम्मं पटिच्च सञ्ञोजनविप्पयुत्तो कुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि …पे… पञ्हावारेपि सब्बत्थ एकं.)

२१. सञ्ञोजनसम्पयुत्तं अकुसलं धम्मं पटिच्च सञ्ञोजनसम्पयुत्तो अकुसलो धम्मो उप्पज्जति हेतुपच्चया… तीणि.

सञ्ञोजनसम्पयुत्तं अकुसलं धम्मं पटिच्च सञ्ञोजनसम्पयुत्तो अकुसलो धम्मो उप्पज्जति आरम्मणपच्चया (संखित्तं).

२२. हेतुया तीणि, आरम्मणे पञ्च, अधिपतिया एकं…पे… अविगते पञ्च (संखित्तं, अनुलोमं).

पच्चनीयं

नहेतुपच्चयो

२३. सञ्ञोजनसम्पयुत्तं अकुसलं धम्मं पटिच्च सञ्ञोजनसम्पयुत्तो अकुसलो धम्मो उप्पज्जति नहेतुपच्चया – विचिकिच्छासहगते खन्धे पटिच्च विचिकिच्छासहगतो मोहो. सञ्ञोजनसम्पयुत्तं अकुसलं धम्मं पटिच्च सञ्ञोजनविप्पयुत्तो अकुसलो धम्मो उप्पज्जति नहेतुपच्चया – उद्धच्चसहगते खन्धे पटिच्च उद्धच्चसहगतो मोहो. (२) (संखित्तं.)

२४. नहेतुया द्वे, नअधिपतिया पञ्च, नपुरेजाते पञ्च…पे… नकम्मे तीणि…पे… नविप्पयुत्ते पञ्च (संखित्तं, पच्चनीयं).