१-७. पटिच्चवारादि

पच्चयचतुक्कं

हेतुपच्चयो

४२. सञ्ञोजनविप्पयुत्तं सञ्ञोजनियं कुसलं धम्मं पटिच्च सञ्ञोजनविप्पयुत्तो सञ्ञोजनियो कुसलो धम्मो उप्पज्जति हेतुपच्चया. (१)

सञ्ञोजनविप्पयुत्तं असञ्ञोजनियं कुसलं धम्मं पटिच्च सञ्ञोजनविप्पयुत्तो असञ्ञोजनियो कुसलो धम्मो उप्पज्जति हेतुपच्चया. (१)

४३. हेतुया द्वे, आरम्मणे द्वे…पे… अविगते द्वे (संखित्तं).

(यथा चूळन्तरदुके लोकियदुकसदिसं. सहजातवारोपि…पे… पञ्हावारोपि सब्बत्थ वित्थारेतब्बा.)

४४. सञ्ञोजनविप्पयुत्तो सञ्ञोजनियो अकुसलो धम्मो सञ्ञोजनविप्पयुत्तस्स सञ्ञोजनियस्स अकुसलस्स धम्मस्स आरम्मणपच्चयेन पच्चयो (संखित्तं).

४५. आरम्मणे एकं (सब्बत्थ एकं, संखित्तं).

४६. सञ्ञोजनविप्पयुत्तं सञ्ञोजनियं अब्याकतं धम्मं पटिच्च सञ्ञोजनविप्पयुत्तो सञ्ञोजनियो अब्याकतो धम्मो उप्पज्जति हेतुपच्चया. (१)

सञ्ञोजनविप्पयुत्तं असञ्ञोजनियं अब्याकतं धम्मं पटिच्च सञ्ञोजनविप्पयुत्तो असञ्ञोजनियो अब्याकतो धम्मो उप्पज्जति हेतुपच्चया. सञ्ञोजनविप्पयुत्तं असञ्ञोजनियं अब्याकतं धम्मं पटिच्च सञ्ञोजनविप्पयुत्तो सञ्ञोजनियो अब्याकतो धम्मो उप्पज्जति हेतुपच्चया. सञ्ञोजनविप्पयुत्तं असञ्ञोजनियं अब्याकतं धम्मं पटिच्च सञ्ञोजनविप्पयुत्तो सञ्ञोजनियो अब्याकतो च सञ्ञोजनविप्पयुत्तो असञ्ञोजनियो अब्याकतो च धम्मा उप्पज्जन्ति हेतुपच्चया. (३)

सञ्ञोजनविप्पयुत्तं सञ्ञोजनियं अब्याकतञ्च सञ्ञोजनविप्पयुत्तं असञ्ञोजनियं अब्याकतञ्च धम्मं पटिच्च सञ्ञोजनविप्पयुत्तो सञ्ञोजनियो अब्याकतो धम्मो उप्पज्जति हेतुपच्चया. (१) (संखित्तं.)

४७. हेतुया पञ्च, आरम्मणे द्वे, अधिपतिया पञ्च…पे… आसेवने एकं, कम्मे पञ्च, विपाके पञ्च…पे… अविगते पञ्च (संखित्तं).

नहेतुया एकं, नआरम्मणे तीणि, नअधिपतिया द्वे, नपुरेजाते चत्तारि, नपच्छाजाते पञ्च, नआसेवने पञ्च, नकम्मे एकं, नविपाके एकं, नविप्पयुत्ते द्वे…पे… नोविगते तीणि (संखित्तं).

(सहजातवारोपि…पे… सम्पयुत्तवारोपि पटिच्चवारसदिसा.)

४८. सञ्ञोजनविप्पयुत्तो सञ्ञोजनियो अब्याकतो धम्मो सञ्ञोजनविप्पयुत्तस्स सञ्ञोजनियस्स अब्याकतस्स धम्मस्स हेतुपच्चयेन पच्चयो (संखित्तं).

४९. हेतुया चत्तारि, आरम्मणे तीणि, अधिपतिया चत्तारि, अनन्तरे चत्तारि…पे… अविगते सत्त (संखित्तं).

५०. नहेतुया सत्त, नआरम्मणे सत्त (संखित्तं).

हेतुपच्चया नआरम्मणे चत्तारि (संखित्तं).

नहेतुपच्चया आरम्मणे तीणि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

सञ्ञोजनगोच्छककुसलत्तिकं निट्ठितं.