१-७. पटिच्चवारादि

पच्चयचतुक्कं

हेतुपच्चयो

२८. सञ्ञोजनियञ्चेव नो च सञ्ञोजनं कुसलं धम्मं पटिच्च सञ्ञोजनियो चेव नो च सञ्ञोजनो कुसलो धम्मो उप्पज्जति हेतुपच्चया (संखित्तं).

२९. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

३०. सञ्ञोजनञ्चेव सञ्ञोजनियञ्च अकुसलं धम्मं पटिच्च सञ्ञोजनो चेव सञ्ञोजनियो च अकुसलो धम्मो उप्पज्जति हेतुपच्चया… तीणि (संखित्तं).

३१. हेतुया नव, आरम्मणे नव, अधिपतिया नव…पे… अविगते नव (संखित्तं).

नहेतुया तीणि, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

(सहजातवारोपि…पे… सम्पयुत्तवारोपि पटिच्चवारसदिसा.)

३२. सञ्ञोजनो चेव सञ्ञोजनियो च अकुसलो धम्मो सञ्ञोजनस्स चेव सञ्ञोजनियस्स च अकुसलस्स धम्मस्स हेतुपच्चयेन पच्चयो (संखित्तं).

३३. हेतुया तीणि, आरम्मणे नव, अधिपतिया नव…पे… उपनिस्सये आसेवने नव, कम्मे आहारे इन्द्रिये झाने तीणि, मग्गे सम्पयुत्ते नव…पे… अविगते नव (संखित्तं).

३४. नहेतुया नव नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

३५. सञ्ञोजनियञ्चेव नो च सञ्ञोजनं अब्याकतं धम्मं पटिच्च सञ्ञोजनियो चेव नो च सञ्ञोजनो अब्याकतो धम्मो उप्पज्जति हेतुपच्चया (संखित्तं).

३६. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)