३. अब्याकतपदं

हेतुपच्चयो

१६. सासवं अब्याकतं धम्मं पटिच्च सासवो अब्याकतो धम्मो उप्पज्जति हेतुपच्चया. (१)

अनासवं अब्याकतं धम्मं पटिच्च अनासवो अब्याकतो धम्मो उप्पज्जति हेतुपच्चया. अनासवं अब्याकतं धम्मं पटिच्च सासवो अब्याकतो धम्मो उप्पज्जति हेतुपच्चया. अनासवं अब्याकतं धम्मं पटिच्च सासवो अब्याकतो च अनासवो अब्याकतो च धम्मा उप्पज्जन्ति हेतुपच्चया. (३)

सासवं अब्याकतञ्च अनासवं अब्याकतञ्च धम्मं पटिच्च सासवो अब्याकतो धम्मो उप्पज्जति हेतुपच्चया. (१) (संखित्तं.)

१७. हेतुया पञ्च, आरम्मणे द्वे, अधिपतिया पञ्च…पे… आसेवने एकं…पे… विपाके पञ्च…पे… अविगते पञ्च (संखित्तं).

नहेतुया एकं, नआरम्मणे तीणि, नअधिपतिया द्वे, नपुरेजाते चत्तारि, नपच्छाजाते नआसेवने पञ्च, नकम्मे…पे… नमग्गे एकं…पे… नविप्पयुत्ते द्वे…पे… नोविगते तीणि (संखित्तं).

(सहजातवारोपि…पे… सम्पयुत्तवारोपि सब्बत्थ वित्थारेतब्बो.)