७. पञ्हावारो

पच्चयचतुक्कं

हेतु-आरम्मणपच्चया

५४. आसवविप्पयुत्तो सासवो अब्याकतो धम्मो आसवविप्पयुत्तस्स सासवस्स अब्याकतस्स धम्मस्स हेतुपच्चयेन पच्चयो.

आसवविप्पयुत्तो अनासवो अब्याकतो धम्मो आसवविप्पयुत्तस्स अनासवस्स अब्याकतस्स धम्मस्स हेतुपच्चयेन पच्चयो. आसवविप्पयुत्तो अनासवो अब्याकतो धम्मो आसवविप्पयुत्तस्स सासवस्स अब्याकतस्स धम्मस्स हेतुपच्चयेन पच्चयो. आसवविप्पयुत्तो अनासवो अब्याकतो धम्मो आसवविप्पयुत्तस्स सासवस्स अब्याकतस्स च आसवविप्पयुत्तस्स अनासवस्स अब्याकतस्स च धम्मस्स हेतुपच्चयेन पच्चयो. (३)

आसवविप्पयुत्तो सासवो अब्याकतो धम्मो आसवविप्पयुत्तस्स सासवस्स अब्याकतस्स धम्मस्स आरम्मणपच्चयेन पच्चयो. (१)

आसवविप्पयुत्तो अनासवो अब्याकतो धम्मो आसवविप्पयुत्तस्स अनासवस्स अब्याकतस्स धम्मस्स आरम्मणपच्चयेन पच्चयो. आसवविप्पयुत्तो अनासवो अब्याकतो धम्मो आसवविप्पयुत्तस्स सासवस्स अब्याकतस्स धम्मस्स आरम्मणपच्चयेन पच्चयो. (२) (संखित्तं.)

५५. हेतुया चत्तारि, आरम्मणे तीणि, अधिपतिया चत्तारि, अनन्तरे चत्तारि, समनन्तरे चत्तारि, सहजाते पञ्च, अञ्ञमञ्ञे द्वे, निस्सये सत्त, उपनिस्सये चत्तारि, पुरेजाते द्वे, आसेवने एकं, कम्मे चत्तारि, विपाके चत्तारि, आहारे चत्तारि…पे… अविगते सत्त (संखित्तं).

पच्चनीयुद्धारो

५६. आसवविप्पयुत्तो सासवो अब्याकतो धम्मो आसवविप्पयुत्तस्स सासवस्स अब्याकतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो (संखित्तं).

५७. नहेतुया सत्त, नआरम्मणे सत्त (संखित्तं).

हेतुपच्चया नआरम्मणे चत्तारि (संखित्तं).

नहेतुपच्चया आरम्मणे तीणि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

आसवविप्पयुत्तसासवदुककुसलत्तिकं निट्ठितं.

आसवगोच्छकं निट्ठितं.