१-७. पटिच्चवारादि

पच्चयचतुक्कं

हेतुपच्चयो

५५. केनचि विञ्ञेय्यं कुसलं धम्मं पटिच्च केनचि विञ्ञेय्यो कुसलो धम्मो उप्पज्जति हेतुपच्चया. केनचि विञ्ञेय्यं कुसलं धम्मं पटिच्च केनचि नविञ्ञेय्यो कुसलो धम्मो उप्पज्जति हेतुपच्चया. केनचि विञ्ञेय्यं कुसलं धम्मं पटिच्च केनचि विञ्ञेय्यो कुसलो च केनचि नविञ्ञेय्यो कुसलो च धम्मा उप्पज्जन्ति हेतुपच्चया. (३) (संखित्तं.)

५६. हेतुया नव, आरम्मणे नव…पे… अविगते नव (संखित्तं).

पच्चनीयं

नअधिपतिपच्चयो

५७. केनचि विञ्ञेय्यं कुसलं धम्मं पटिच्च केनचि विञ्ञेय्यो कुसलो धम्मो उप्पज्जति नअधिपतिपच्चया (संखित्तं).

५८. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे नव, नविपाके नव…पे… नविप्पयुत्ते नव (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)

पच्चयचतुक्कं

हेतुपच्चयो

५९. केनचि विञ्ञेय्यो कुसलो धम्मो केनचि विञ्ञेय्यस्स कुसलस्स धम्मस्स हेतुपच्चयेन पच्चयो (संखित्तं).

६०. हेतुया नव, आरम्मणे नव, अधिपतिया नव, अनन्तरे नव, समनन्तरे नव…पे… कम्मे नव…पे… अविगते नव (संखित्तं).

नहेतुया नव, नआरम्मणे नव (संखित्तं).

हेतुपच्चया नआरम्मणे नव (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं. केनचि विञ्ञेय्यं अकुसलम्पि केनचि विञ्ञेय्यं अब्याकतम्पि केनचि विञ्ञेय्यकुसलसदिसं वित्थारेतब्बं).

केनचिविञ्ञेय्यदुककुसलत्तिकं निट्ठितं.

चूळन्तरदुकं निट्ठितं.