७. पञ्हावारो

पच्चयचतुक्कं

हेतु-आरम्मणपच्चया

२१. सहेतुको अब्याकतो धम्मो सहेतुकस्स अब्याकतस्स धम्मस्स हेतुपच्चयेन पच्चयो… तीणि.

सहेतुको अब्याकतो धम्मो सहेतुकस्स अब्याकतस्स धम्मस्स आरम्मणपच्चयेन पच्चयो (संखित्तं).

२२. हेतुया तीणि, आरम्मणे चत्तारि, अधिपतिया चत्तारि, अनन्तरे चत्तारि, समनन्तरे चत्तारि, सहजाते सत्त, अञ्ञमञ्ञे छ, निस्सये सत्त, उपनिस्सये चत्तारि, पुरेजाते द्वे, पच्छाजाते द्वे, आसेवने द्वे, कम्मे चत्तारि, विपाके चत्तारि, आहारे चत्तारि, इन्द्रिये चत्तारि, झाने चत्तारि, मग्गे तीणि, सम्पयुत्ते द्वे, विप्पयुत्ते तीणि, अत्थिया सत्त…पे… अविगते सत्त (संखित्तं).

पच्चनीयुद्धारो

२३. सहेतुको अब्याकतो धम्मो सहेतुकस्स अब्याकतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

२४. नहेतुया सत्त, नआरम्मणे सत्त (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे चत्तारि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

सहेतुकदुककुसलत्तिकं निट्ठितं.