१-६. पटिच्चवारादि

पच्चयचतुक्कं

हेतुपच्चयो

७९. हेतुञ्चेव हेतुसम्पयुत्तञ्च अकुसलं धम्मं पटिच्च हेतु चेव हेतुसम्पयुत्तो च अकुसलो धम्मो उप्पज्जति हेतुपच्चया (संखित्तं).

८०. हेतुया नव, आरम्मणे नव…पे… अविगते नव (संखित्तं).

नअधिपतिपच्चयो

८१. हेतुञ्चेव हेतुसम्पयुत्तञ्च अकुसलं धम्मं पटिच्च हेतु चेव हेतुसम्पयुत्तो च अकुसलो धम्मो उप्पज्जति नअधिपतिपच्चया (संखित्तं).

८२. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया तीणि (संखित्तं).

नअधिपतिपच्चया हेतुया नव (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)