१-६. पटिच्चवारादि

पच्चयचतुक्कं

हेतुपच्चयो

५५. हेतुञ्चेव सहेतुकञ्च अकुसलं धम्मं पटिच्च हेतु चेव सहेतुको च अकुसलो धम्मो उप्पज्जति हेतुपच्चया (संखित्तं).

५६. हेतुया नव, आरम्मणे नव…पे… कम्मे नव, आहारे नव…पे… अविगते नव (संखित्तं).

नअधिपतिपच्चयो

५७. हेतुञ्चेव सहेतुकञ्च अकुसलं धम्मं पटिच्च हेतु चेव सहेतुको च अकुसलो धम्मो उप्पज्जति नअधिपतिपच्चया… नव (संखित्तं).

५८. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नअधिपतिपच्चया हेतुया नव (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)