१-६. पटिच्चवारादि

पच्चयचतुक्कं

हेतु-आरम्मणपच्चया

१. सहेतुकं कुसलं धम्मं पटिच्च सहेतुको कुसलो धम्मो उप्पज्जति हेतुपच्चया. (१)

सहेतुकं कुसलं धम्मं पटिच्च सहेतुको कुसलो धम्मो उप्पज्जति आरम्मणपच्चया. (१) (संखित्तं.)

२. हेतुया एकं, आरम्मणे एकं, अधिपतिया एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, पुरेजाते एकं, आसेवने एकं, कम्मे एकं, आहारे एकं…पे… अविगते एकं (संखित्तं).

पच्चनीयं

नअधिपतिपच्चयो

३. सहेतुकं कुसलं धम्मं पटिच्च सहेतुको कुसलो धम्मो उप्पज्जति नअधिपतिपच्चया (संखित्तं).

४. नअधिपतिया एकं, नपुरेजाते एकं, नपच्छाजाते एकं, नआसेवने एकं, नकम्मे एकं, नविपाके एकं, नविप्पयुत्ते एकं (संखित्तं).

हेतुपच्चया नअधिपतिया एकं (संखित्तं).

नअधिपतिपच्चया हेतुया एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)