७. पञ्हावारो

पच्चयचतुक्कं

हेतु-आरम्मणपच्चया

३५. हेतुसम्पयुत्तो अकुसलो धम्मो हेतुसम्पयुत्तस्स अकुसलस्स धम्मस्स हेतुपच्चयेन पच्चयो… द्वे.

हेतुसम्पयुत्तो अकुसलो धम्मो हेतुसम्पयुत्तस्स अकुसलस्स धम्मस्स आरम्मणपच्चयेन पच्चयो… तीणि.

हेतुविप्पयुत्तो अकुसलो धम्मो हेतुविप्पयुत्तस्स अकुसलस्स धम्मस्स आरम्मणपच्चयेन पच्चयो… तीणि.

हेतुसम्पयुत्तो अकुसलो च हेतुविप्पयुत्तो अकुसलो च धम्मा हेतुसम्पयुत्तस्स अकुसलस्स धम्मस्स आरम्मणपच्चयेन पच्चयो… तीणि (संखित्तं).

३६. हेतुया द्वे, आरम्मणे नव, अधिपतिया एकं, अनन्तरे नव, समनन्तरे नव, सहजाते पञ्च, अञ्ञमञ्ञे पञ्च, निस्सये पञ्च, उपनिस्सये नव, आसेवने नव, कम्मे तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते पञ्च, अत्थिया पञ्च…पे… अविगते पञ्च (संखित्तं).

पच्चनीयुद्धारो

३७. हेतुसम्पयुत्तो अकुसलो धम्मो हेतुसम्पयुत्तस्स अकुसलस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

३८. नहेतुया नव, नआरम्मणे नव (संखित्तं).

हेतुपच्चया नआरम्मणे द्वे (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)