१-७. पटिच्चवारादि

पच्चयचतुक्कं

हेतुपच्चयो

३५. कुसलं रूपावचरं धम्मं पटिच्च कुसलो रूपावचरो धम्मो उप्पज्जति हेतुपच्चया. (१)

अब्याकतं रूपावचरं धम्मं पटिच्च अब्याकतो रूपावचरो धम्मो उप्पज्जति हेतुपच्चया. (१) (संखित्तं.)

हेतुया द्वे…पे… अविगते द्वे (संखित्तं).

(सहजातवारम्पि…पे… पञ्हावारम्पि वित्थारेतब्बं.)

३६. कुसलं नरूपावचरं धम्मं पटिच्च कुसलो नरूपावचरो धम्मो उप्पज्जति हेतुपच्चया… तीणि.

अकुसलं नरूपावचरं धम्मं पटिच्च अकुसलो नरूपावचरो धम्मो उप्पज्जति हेतुपच्चया… तीणि.

अब्याकतं नरूपावचरं धम्मं पटिच्च अब्याकतो नरूपावचरो धम्मो उप्पज्जति हेतुपच्चया. (१)

कुसलं नरूपावचरञ्च अब्याकतं नरूपावचरञ्च धम्मं पटिच्च अब्याकतो नरूपावचरो धम्मो उप्पज्जति हेतुपच्चया. (१)

अकुसलं नरूपावचरञ्च अब्याकतं नरूपावचरञ्च धम्मं पटिच्च अब्याकतो नरूपावचरो धम्मो उप्पज्जति हेतुपच्चया. (१) (संखित्तं.)

३७. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

३८. कुसलो नरूपावचरो धम्मो कुसलस्स नरूपावचरस्स धम्मस्स हेतुपच्चयेन पच्चयो… तीणि.

अकुसलो नरूपावचरो धम्मो अकुसलस्स नरूपावचरस्स धम्मस्स हेतुपच्चयेन पच्चयो… तीणि.

अब्याकतो नरूपावचरो धम्मो अब्याकतस्स नरूपावचरस्स धम्मस्स हेतुपच्चयेन पच्चयो. (१) (संखित्तं.)

३९. हेतुया सत्त, आरम्मणे नव…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).