नकामावचरपदं

हेतु-आरम्मणपच्चया

३२. कुसलं नकामावचरं धम्मं पटिच्च कुसलो नकामावचरो धम्मो उप्पज्जति हेतुपच्चया. (१)

अब्याकतं नकामावचरं धम्मं पटिच्च अब्याकतो नकामावचरो धम्मो उप्पज्जति हेतुपच्चया. (१) (संखित्तं.)

हेतुया द्वे, आरम्मणे द्वे…पे… अविगते द्वे (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

३३. कुसलो नकामावचरो धम्मो कुसलस्स नकामावचरस्स धम्मस्स हेतुपच्चयेन पच्चयो. (१)

अब्याकतो नकामावचरो धम्मो अब्याकतस्स नकामावचरस्स धम्मस्स हेतुपच्चयेन पच्चयो. (१)

कुसलो नकामावचरो धम्मो कुसलस्स नकामावचरस्स धम्मस्स आरम्मणपच्चयेन पच्चयो. कुसलो नकामावचरो धम्मो अब्याकतस्स नकामावचरस्स धम्मस्स आरम्मणपच्चयेन पच्चयो. (२)

अब्याकतो नकामावचरो धम्मो अब्याकतस्स नकामावचरस्स धम्मस्स आरम्मणपच्चयेन पच्चयो. अब्याकतो नकामावचरो धम्मो कुसलस्स नकामावचरस्स धम्मस्स आरम्मणपच्चयेन पच्चयो. (२)

३४. हेतुया द्वे, आरम्मणे चत्तारि, अधिपतिया तीणि…पे… अविगते द्वे (संखित्तं).

(यथा कुसलत्तिके पञ्हावारं, एवं वित्थारेतब्बं.)