१-७. पटिच्चवारादि

२०. कुसलं सप्पीतिकं धम्मं पटिच्च कुसलो सप्पीतिको धम्मो उप्पज्जति हेतुपच्चया. (१)

अकुसलं सप्पीतिकं धम्मं पटिच्च अकुसलो सप्पीतिको धम्मो उप्पज्जति हेतुपच्चया. (१)

अब्याकतं सप्पीतिकं धम्मं पटिच्च अब्याकतो सप्पीतिको धम्मो उप्पज्जति हेतुपच्चया. (१) (संखित्तं.)

२१. हेतुया तीणि, आरम्मणे तीणि…पे… अविगते तीणि (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

२२. कुसलो सप्पीतिको धम्मो कुसलस्स सप्पीतिकस्स धम्मस्स हेतुपच्चयेन पच्चयो. (१)

अकुसलो सप्पीतिको धम्मो अकुसलस्स सप्पीतिकस्स धम्मस्स हेतुपच्चयेन पच्चयो. (१)

अब्याकतो सप्पीतिको धम्मो अब्याकतस्स सप्पीतिकस्स धम्मस्स हेतुपच्चयेन पच्चयो. (१) (संखित्तं.)

२३. हेतुया तीणि, आरम्मणे नव…पे… अविगते तीणि (संखित्तं).

२४. कुसलं अप्पीतिकं धम्मं पटिच्च कुसलो अप्पीतिको धम्मो उप्पज्जति हेतुपच्चया… तीणि.

अकुसलं अप्पीतिकं धम्मं पटिच्च अकुसलो अप्पीतिको धम्मो उप्पज्जति हेतुपच्चया… तीणि.

अब्याकतं अप्पीतिकं धम्मं पटिच्च अब्याकतो अप्पीतिको धम्मो उप्पज्जति हेतुपच्चया. (१)

कुसलं अप्पीतिकञ्च अब्याकतं अप्पीतिकञ्च धम्मं पटिच्च अब्याकतो अप्पीतिको धम्मो उप्पज्जति हेतुपच्चया. (१)

अकुसलं अप्पीतिकञ्च अब्याकतं अप्पीतिकञ्च धम्मं पटिच्च अब्याकतो अप्पीतिको धम्मो उप्पज्जति हेतुपच्चया. (१) (संखित्तं.)

२५. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

२६. कुसलो अप्पीतिको धम्मो कुसलस्स अप्पीतिकस्स धम्मस्स हेतुपच्चयेन पच्चयो (संखित्तं).

हेतुया सत्त, आरम्मणे नव…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).