१-७. पटिच्चवारादि

हेतुपच्चयो

१. अकुसलं दस्सनेन पहातब्बं धम्मं पटिच्च अकुसलो दस्सनेन पहातब्बो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

२. कुसलं नदस्सनेन पहातब्बं धम्मं पटिच्च कुसलो नदस्सनेन पहातब्बो धम्मो उप्पज्जति हेतुपच्चया… तीणि.

अकुसलं नदस्सनेन पहातब्बं धम्मं पटिच्च अकुसलो नदस्सनेन पहातब्बो धम्मो उप्पज्जति हेतुपच्चया… तीणि.

अब्याकतं नदस्सनेन पहातब्बं धम्मं पटिच्च अब्याकतो नदस्सनेन पहातब्बो धम्मो उप्पज्जति हेतुपच्चया. (१)

कुसलं नदस्सनेन पहातब्बञ्च अब्याकतं नदस्सनेन पहातब्बञ्च धम्मं पटिच्च अब्याकतो नदस्सनेन पहातब्बो धम्मो उप्पज्जति हेतुपच्चया. (१)

अकुसलं नदस्सनेन पहातब्बञ्च अब्याकतं नदस्सनेन पहातब्बञ्च धम्मं पटिच्च अब्याकतो नदस्सनेन पहातब्बो धम्मो उप्पज्जति हेतुपच्चया. (१)

३. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

४. कुसलो नदस्सनेन पहातब्बो धम्मो कुसलस्स नदस्सनेन पहातब्बस्स धम्मस्स हेतुपच्चयेन पच्चयो… तीणि.

अकुसलो नदस्सनेन पहातब्बो धम्मो अकुसलस्स नदस्सनेन पहातब्बस्स धम्मस्स हेतुपच्चयेन पच्चयो… तीणि.

अब्याकतो नदस्सनेन पहातब्बो धम्मो अब्याकतस्स नदस्सनेन पहातब्बस्स धम्मस्स हेतुपच्चयेन पच्चयो. (१) (संखित्तं.)

५. हेतुया सत्त, आरम्मणे नव, अधिपतिया दस, अनन्तरे सत्त…पे… अविगते तेरस (संखित्तं).

(यथा कुसलत्तिके पञ्हावारं, एवं वित्थारेतब्बं.)