१. पटिच्चवारो

हेतुपच्चयो

७४. किलेसञ्चेव संकिलेसिकञ्च धम्मं पटिच्च किलेसो चेव संकिलेसिको च धम्मो उप्पज्जति हेतुपच्चया – लोभं पटिच्च मोहो दिट्ठि थिनं उद्धच्चं अहिरिकं अनोत्तप्पं (चक्कं). (१)

किलेसञ्चेव संकिलेसिकञ्च धम्मं पटिच्च संकिलेसिको चेव नो च किलेसो धम्मो उप्पज्जति हेतुपच्चया – किलेसे पटिच्च सम्पयुत्तका खन्धा चित्तसमुट्ठानञ्च रूपं. (२)

किलेसञ्चेव संकिलेसिकञ्च धम्मं पटिच्च किलेसो चेव संकिलेसिको च संकिलेसिको चेव नो च किलेसो च धम्मा उप्पज्जन्ति हेतुपच्चया – लोभं पटिच्च मोहो दिट्ठि थिनं उद्धच्चं अहिरिकं अनोत्तप्पं सम्पयुत्तका च खन्धा चित्तसमुट्ठानञ्च रूपं. (३)