१-६. पटिच्चवारादि

पच्चयचतुक्कं

हेतुपच्चयो

३२२. हेतुं नेवाचयगामिनापचयगामिं धम्मं पटिच्च हेतु नेवाचयगामिनापचयगामी धम्मो उप्पज्जति हेतुपच्चया… तीणि.

नहेतुं नेवाचयगामिनापचयगामिं धम्मं पटिच्च नहेतु नेवाचयगामिनापचयगामी धम्मो उप्पज्जति हेतुपच्चया… तीणि.

हेतुं नेवाचयगामिनापचयगामिञ्च नहेतुं नेवाचयगामिनापचयगामिञ्च धम्मं पटिच्च हेतु नेवाचयगामिनापचयगामी धम्मो उप्पज्जति हेतुपच्चया… तीणि (संखित्तं).

३२३. हेतुया नव, आरम्मणे नव, अधिपतिया नव…पे… उपनिस्सये नव, पुरेजाते नव, आसेवने नव, कम्मे नव, विपाके नव, आहारे नव, इन्द्रिये नव…पे… अविगते नव (संखित्तं).

नहेतुपच्चयादि

३२४. नहेतुं नेवाचयगामिनापचयगामिं धम्मं पटिच्च नहेतु नेवाचयगामिनापचयगामी धम्मो उप्पज्जति नहेतुपच्चया. (१)

हेतुं नेवाचयगामिनापचयगामिं धम्मं पटिच्च नहेतु नेवाचयगामिनापचयगामी धम्मो उप्पज्जति नआरम्मणपच्चया. (१)

नहेतुं नेवाचयगामिनापचयगामिं धम्मं पटिच्च नहेतु नेवाचयगामिनापचयगामी धम्मो उप्पज्जति नआरम्मणपच्चया. (१)

हेतुं नेवाचयगामिनापचयगामिञ्च नहेतुं नेवाचयगामिनापचयगामिञ्च धम्मं पटिच्च नहेतु नेवाचयगामिनापचयगामी धम्मो उप्पज्जति नआरम्मणपच्चया. (१)

हेतुं नेवाचयगामिनापचयगामिं धम्मं पटिच्च हेतु नेवाचयगामिनापचयगामी धम्मो उप्पज्जति नअधिपतिपच्चया…पे….

हेतुं नेवाचयगामिनापचयगामिं धम्मं पटिच्च हेतु नेवाचयगामिनापचयगामी धम्मो उप्पज्जति नपुरेजातपच्चया… तीणि.

हेतुं नेवाचयगामिनापचयगामिं धम्मं पटिच्च हेतु नेवाचयगामिनापचयगामी धम्मो उप्पज्जति नपच्छाजातपच्चया…पे….

हेतुं नेवाचयगामिनापचयगामिं धम्मं पटिच्च नहेतु नेवाचयगामिनापचयगामी धम्मो उप्पज्जति नकम्मपच्चया (संखित्तं).

३२५. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)