१-६. पटिच्चवारादि

पच्चयचतुक्कं

हेतुपच्चयो

३१४. हेतुं अपचयगामिं धम्मं पटिच्च हेतु अपचयगामी धम्मो उप्पज्जति हेतुपच्चया… तीणि.

नहेतुं अपचयगामिं धम्मं पटिच्च नहेतु अपचयगामी धम्मो उप्पज्जति हेतुपच्चया… तीणि.

हेतुं अपचयगामिञ्च नहेतुं अपचयगामिञ्च धम्मं पटिच्च हेतु अपचयगामी धम्मो उप्पज्जति हेतुपच्चया… तीणि (संखित्तं).

३१५. हेतुया नव, आरम्मणे नव…पे… कम्मे नव, आहारे नव…पे… अविगते नव (संखित्तं).

नअधिपतिपच्चयो

३१६. हेतुं अपचयगामिं धम्मं पटिच्च हेतु अपचयगामी धम्मो उप्पज्जति नअधिपतिपच्चया (संखित्तं).

३१७. नअधिपतिया छ, नपुरेजाते नव, नपच्छाजाते नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया छ (संखित्तं).

नअधिपतिपच्चया हेतुया छ (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)