१-६. पटिच्चवारादि

पच्चयचतुक्कं

हेतुपच्चयो

३०६. हेतुं आचयगामिं धम्मं पटिच्च हेतु आचयगामी धम्मो उप्पज्जति हेतुपच्चया… तीणि.

नहेतुं आचयगामिं धम्मं पटिच्च नहेतु आचयगामी धम्मो उप्पज्जति हेतुपच्चया… तीणि.

हेतुं आचयगामिञ्च नहेतुं आचयगामिञ्च धम्मं पटिच्च हेतु आचयगामी धम्मो उप्पज्जति हेतुपच्चया… तीणि (संखित्तं).

३०७. हेतुया नव, आरम्मणे नव, अधिपतिया नव, अनन्तरे नव, समनन्तरे नव…पे… अविगते नव (संखित्तं).

नहेतु-नअधिपतिपच्चया

३०८. नहेतुं आचयगामिं धम्मं पटिच्च हेतु आचयगामी धम्मो उप्पज्जति नहेतुपच्चया. (१)

हेतुं आचयगामिं धम्मं पटिच्च हेतु आचयगामी धम्मो उप्पज्जति नअधिपतिपच्चया (संखित्तं).

३०९. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)