१-६. पटिच्चवारादि

पच्चयचतुक्कं

हेतुपच्चयो

२४२. हेतुं सुखसहगतं धम्मं पटिच्च हेतु सुखसहगतो धम्मो उप्पज्जति हेतुपच्चया… तीणि.

नहेतुं सुखसहगतं धम्मं पटिच्च नहेतु सुखसहगतो धम्मो उप्पज्जति हेतुपच्चया… तीणि.

हेतुं सुखसहगतञ्च नहेतुं सुखसहगतञ्च धम्मं पटिच्च हेतु सुखसहगतो धम्मो उप्पज्जति हेतुपच्चया… तीणि (संखित्तं).

२४३. हेतुया नव, आरम्मणे नव, अधिपतिया नव…पे… अविगते नव (संखित्तं).

नहेतु-नअधिपतिपच्चया

२४४. नहेतुं सुखसहगतं धम्मं पटिच्च नहेतु सुखसहगतो धम्मो उप्पज्जति नहेतुपच्चया.

हेतुं सुखसहगतं धम्मं पटिच्च हेतु सुखसहगतो धम्मो उप्पज्जति नअधिपतिपच्चया… नव (संखित्तं).

२४५. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नझाने एकं, नमग्गे एकं, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)