७. पञ्हावारो

पच्चयचतुक्कं

हेतु-आरम्मणपच्चया

२३०. हेतु अवितक्कअविचारो धम्मो हेतुस्स अवितक्कअविचारस्स धम्मस्स हेतुपच्चयेन पच्चयो… तीणि.

हेतु अवितक्कअविचारो धम्मो हेतुस्स अवितक्कअविचारस्स धम्मस्स आरम्मणपच्चयेन पच्चयो… नव (संखित्तं).

२३१. हेतुया तीणि, आरम्मणे नव, अधिपतिया छ, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव, कम्मे तीणि, विपाके नव, आहारे तीणि, इन्द्रिये नव, झाने तीणि, मग्गे नव, सम्पयुत्ते नव, विप्पयुत्ते पञ्च, अत्थिया नव, नत्थिया नव, विगते नव, अविगते नव (संखित्तं).

पच्चनीयुद्धारो

२३२. हेतु अवितक्कअविचारो धम्मो हेतुस्स अवितक्कअविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

२३३. नहेतुया नव, नआरम्मणे नव, नअधिपतिया नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

हेतुदुकवितक्कत्तिकं निट्ठितं.