१-६. पटिच्चवारादि

पच्चयचतुक्कं

हेतुपच्चयो

२१०. हेतुं सवितक्कसविचारं धम्मं पटिच्च हेतु सवितक्कसविचारो धम्मो उप्पज्जति हेतुपच्चया. हेतुं सवितक्कसविचारं धम्मं पटिच्च नहेतु सवितक्कसविचारो धम्मो उप्पज्जति हेतुपच्चया. हेतुं सवितक्कसविचारं धम्मं पटिच्च हेतु सवितक्कसविचारो च नहेतु सवितक्कसविचारो च धम्मा उप्पज्जन्ति हेतुपच्चया. (३)

नहेतुं सवितक्कसविचारं धम्मं पटिच्च नहेतु सवितक्कसविचारो धम्मो उप्पज्जति हेतुपच्चया… तीणि.

हेतुं सवितक्कसविचारञ्च नहेतुं सवितक्कसविचारञ्च धम्मं पटिच्च हेतु सवितक्कसविचारो धम्मो उप्पज्जति हेतुपच्चया… तीणि (संखित्तं).

२११. हेतुया नव, आरम्मणे नव, अधिपतिया नव, अनन्तरे नव, समनन्तरे नव…पे… कम्मे नव, विपाके नव…पे… अविगते नव (संखित्तं).

नहेतु-नअधिपतिपच्चया

२१२. नहेतुं सवितक्कसविचारं धम्मं पटिच्च नहेतु सवितक्कसविचारो धम्मो उप्पज्जति नहेतुपच्चया… द्वे.

हेतुं सवितक्कसविचारं धम्मं पटिच्च हेतु सवितक्कसविचारो धम्मो उप्पज्जति नअधिपतिपच्चया (संखित्तं).

२१३. नहेतुया द्वे, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नमग्गे एकं, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे द्वे (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)