१-६. पटिच्चवारादि

पच्चयचतुक्कं

हेतुपच्चयो

१८६. हेतुं संकिलिट्ठसंकिलेसिकं धम्मं पटिच्च हेतु संकिलिट्ठसंकिलेसिको धम्मो उप्पज्जति हेतुपच्चया… तीणि.

नहेतुं संकिलिट्ठसंकिलेसिकं धम्मं पटिच्च नहेतु संकिलिट्ठसंकिलेसिको धम्मो उप्पज्जति हेतुपच्चया… तीणि.

हेतुं संकिलिट्ठसंकिलेसिकञ्च नहेतुं संकिलिट्ठसंकिलेसिकञ्च धम्मं पटिच्च हेतु संकिलिट्ठसंकिलेसिको धम्मो उप्पज्जति हेतुपच्चया… तीणि (संखित्तं).

१८७. हेतुया नव, आरम्मणे नव, अधिपतिया नव…पे… कम्मे नव, आहारे नव, अविगते नव (संखित्तं).

नहेतु-नअधिपतिपच्चया

१८८. नहेतुं संकिलिट्ठसंकिलेसिकं धम्मं पटिच्च हेतु संकिलिट्ठसंकिलेसिको धम्मो उप्पज्जति नहेतुपच्चया.

हेतुं संकिलिट्ठसंकिलेसिकं धम्मं पटिच्च हेतु संकिलिट्ठसंकिलेसिको धम्मो उप्पज्जति नअधिपतिपच्चया (संखित्तं).

१८९. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)