७. पञ्हावारो

पच्चयचतुक्कं

हेतु-आरम्मणपच्चया

१८१. हेतु अनुपादिन्नअनुपादानियो धम्मो हेतुस्स अनुपादिन्नअनुपादानियस्स धम्मस्स हेतुपच्चयेन पच्चयो… तीणि.

१८२. नहेतु अनुपादिन्नअनुपादानियो धम्मो नहेतुस्स अनुपादिन्नअनुपादानियस्स धम्मस्स आरम्मणपच्चयेन पच्चयो… तीणि (संखित्तं).

१८३. हेतुया तीणि, आरम्मणे तीणि, अधिपतिया छ, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, कम्मे तीणि, विपाके नव, आहारे तीणि, इन्द्रिये नव, झाने तीणि, मग्गे नव, सम्पयुत्ते नव, अत्थिया नव, नत्थिया नव, विगते नव, अविगते नव.

पच्चनीयुद्धारो

१८४. हेतु अनुपादिन्नअनुपादानियो धम्मो हेतुस्स अनुपादिन्नअनुपादानियस्स धम्मस्स सहजातपच्चयेन पच्चयो, उपनिस्सयपच्चयेन पच्चयो (संखित्तं).

१८५. नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे तीणि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

हेतुदुकउपादिन्नत्तिकं निट्ठितं.