१-६. पटिच्चवारादि

पच्चयचतुक्कं

हेतुपच्चयो

१५२. हेतुं उपादिन्नुपादानियं धम्मं पटिच्च हेतु उपादिन्नुपादानियो धम्मो उप्पज्जति हेतुपच्चया… तीणि.

नहेतुं उपादिन्नुपादानियं धम्मं पटिच्च नहेतु उपादिन्नुपादानियो धम्मो उप्पज्जति हेतुपच्चया… तीणि.

हेतुं उपादिन्नुपादानियञ्च नहेतुं उपादिन्नुपादानियञ्च धम्मं पटिच्च हेतु उपादिन्नुपादानियो धम्मो उप्पज्जति हेतुपच्चया… तीणि (संखित्तं).

१५३. हेतुया नव, आरम्मणे नव, अनन्तरे नव, समनन्तरे नव…पे… कम्मे नव, विपाके नव…पे… अविगते नव (संखित्तं).

नहेतुपच्चयादि

१५४. नहेतुं उपादिन्नुपादानियं धम्मं पटिच्च नहेतु उपादिन्नुपादानियो धम्मो उप्पज्जति नहेतुपच्चया. (१)

१५५. हेतुं उपादिन्नुपादानियं धम्मं पटिच्च नहेतु उपादिन्नुपादानियो धम्मो उप्पज्जति नआरम्मणपच्चया. (१)

नहेतुं उपादिन्नुपादानियं धम्मं पटिच्च नहेतु उपादिन्नुपादानियो धम्मो उप्पज्जति नआरम्मणपच्चया. (१)

हेतुं उपादिन्नुपादानियञ्च नहेतुं उपादिन्नुपादानियञ्च धम्मं पटिच्च नहेतु उपादिन्नुपादानियो धम्मो उप्पज्जति नआरम्मणपच्चया. (१)

१५६. हेतुं उपादिन्नुपादानियं धम्मं पटिच्च हेतु उपादिन्नुपादानियो धम्मो उप्पज्जति नअधिपतिपच्चया… नव…पे….

१५७. नहेतुं उपादिन्नुपादानियं धम्मं पटिच्च नहेतु उपादिन्नुपादानियो धम्मो उप्पज्जति नविपाकपच्चया… नआहारपच्चया (संखित्तं).

१५८. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नविपाके एकं, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि.

हेतुपच्चया नआरम्मणे तीणि (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)