१-६. पटिच्चवारादि

पच्चयचतुक्कं

हेतुपच्चयो

१२१. हेतुं विपाकधम्मधम्मं पटिच्च हेतु विपाकधम्मधम्मो उप्पज्जति हेतुपच्चया. हेतुं विपाकधम्मधम्मं पटिच्च नहेतु विपाकधम्मधम्मो उप्पज्जति हेतुपच्चया. हेतुं विपाकधम्मधम्मं पटिच्च हेतु विपाकधम्मधम्मो च नहेतु विपाकधम्मधम्मो च धम्मा उप्पज्जन्ति हेतुपच्चया. (३)

नहेतुं विपाकधम्मधम्मं पटिच्च नहेतु विपाकधम्मधम्मो उप्पज्जति हेतुपच्चया… तीणि.

हेतुं विपाकधम्मधम्मञ्च नहेतुं विपाकधम्मधम्मञ्च पटिच्च हेतु विपाकधम्मधम्मो उप्पज्जति हेतुपच्चया… तीणि (संखित्तं).

१२२. हेतुया नव, आरम्मणे नव, अधिपतिया नव…पे… कम्मे नव, आहारे नव, इन्द्रिये नव, झाने नव, मग्गे नव, सम्पयुत्ते नव, विप्पयुत्ते नव, अत्थिया नव, नत्थिया नव, विगते नव, अविगते नव.

नहेतु-नअधिपतिपच्चया

१२३. नहेतुं विपाकधम्मधम्मं पटिच्च हेतु विपाकधम्मधम्मो उप्पज्जति नहेतुपच्चया. (१)

१२४. हेतुं विपाकधम्मधम्मं पटिच्च हेतु विपाकधम्मधम्मो उप्पज्जति नअधिपतिपच्चया… नव.

नपुरेजातपच्चयादि

१२५. हेतुं विपाकधम्मधम्मं पटिच्च हेतु विपाकधम्मधम्मो उप्पज्जति नपुरेजातपच्चया… नव… नपच्छाजातपच्चया… नव… नआसेवनपच्चया… नव.

१२६. हेतुं विपाकधम्मधम्मं पटिच्च नहेतु विपाकधम्मधम्मो उप्पज्जति नकम्मपच्चया. (१)

नहेतुं विपाकधम्मधम्मं पटिच्च नहेतु विपाकधम्मधम्मो उप्पज्जति नकम्मपच्चया. (१)

हेतुं विपाकधम्मधम्मञ्च नहेतुं विपाकधम्मधम्मञ्च पटिच्च नहेतु विपाकधम्मधम्मो उप्पज्जति नकम्मपच्चया. (१) (संखित्तं.)

१२७. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं, पच्चनीयं).

हेतुपच्चया नअधिपतिया नव (संखित्तं, अनुलोमपच्चनीयं).

नहेतुपच्चया आरम्मणे एकं (संखित्तं, पच्चनीयानुलोमं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)