७. पञ्हावारो

पच्चयचतुक्कं

हेतुपच्चयो

५२९. हेतु अज्झत्तारम्मणो धम्मो हेतुस्स अज्झत्तारम्मणस्स धम्मस्स हेतुपच्चयेन पच्चयो (संखित्तं).

५३०. हेतुया तीणि, आरम्मणे नव, अधिपतिया नव…पे… अविगते नव (संखित्तं).

पच्चनीयुद्धारो

५३१. हेतु अज्झत्तारम्मणो धम्मो हेतुस्स अज्झत्तारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

५३२. नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)