१-६. पटिच्चवारादि

पच्चयचतुक्कं

हेतुपच्चयो

५०१. हेतुं पच्चुप्पन्नारम्मणं धम्मं पटिच्च हेतु पच्चुप्पन्नारम्मणो धम्मो उप्पज्जति हेतुपच्चया… तीणि.

नहेतुं पच्चुप्पन्नारम्मणं धम्मं पटिच्च नहेतु पच्चुप्पन्नारम्मणो धम्मो उप्पज्जति हेतुपच्चया… तीणि.

हेतुं पच्चुप्पन्नारम्मणञ्च नहेतुं पच्चुप्पन्नारम्मणञ्च धम्मं पटिच्च हेतु पच्चुप्पन्नारम्मणो धम्मो उप्पज्जति हेतुपच्चया… तीणि (संखित्तं).

५०२. हेतुया नव, आरम्मणे नव, अधिपतिया नव…पे… कम्मे नव…पे… अविगते नव (संखित्तं).

नहेतु-नअधिपतिपच्चया

५०३. नहेतुं पच्चुप्पन्नारम्मणं धम्मं पटिच्च नहेतु पच्चुप्पन्नारम्मणो धम्मो उप्पज्जति नहेतुपच्चया. नहेतुं पच्चुप्पन्नारम्मणं धम्मं पटिच्च हेतु पच्चुप्पन्नारम्मणो धम्मो उप्पज्जति नहेतुपच्चया. (२)

हेतुं पच्चुप्पन्नारम्मणं धम्मं पटिच्च हेतु पच्चुप्पन्नारम्मणो धम्मो उप्पज्जति नअधिपतिपच्चया (संखित्तं).

५०४. नहेतुया द्वे, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नझाने एकं, नमग्गे एकं, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे द्वे (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)