७. पञ्हावारो

पच्चयचतुक्कं

हेतु-उपनिस्सयपच्चया

४७७. हेतु उप्पन्नो धम्मो हेतुस्स उप्पन्नस्स धम्मस्स हेतुपच्चयेन पच्चयो… तीणि.

नहेतु उप्पन्नो धम्मो नहेतुस्स उप्पन्नस्स धम्मस्स आरम्मणपच्चयेन पच्चयो… तीणि.

हेतु उप्पन्नो धम्मो हेतुस्स उप्पन्नस्स धम्मस्स अधिपतिपच्चयेन पच्चयो – सहजाताधिपति… तीणि.

नहेतु उप्पन्नो धम्मो नहेतुस्स उप्पन्नस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि.

हेतु उप्पन्नो धम्मो हेतुस्स उप्पन्नस्स धम्मस्स सहजातपच्चयेन पच्चयो (संखित्तं).

नहेतु उप्पन्नो धम्मो नहेतुस्स उप्पन्नस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे…. पकतूपनिस्सयो – उप्पन्नं उतुं उपनिस्साय झानं उप्पादेति, विपस्सनं… मग्गं… अभिञ्ञं… समापत्तिं उप्पादेति (संखित्तं).

४७८. हेतुया तीणि, आरम्मणे तीणि, अधिपतिया छ, सहजाते नव, अञ्ञमञ्ञे नव, निस्सये नव, उपनिस्सये तीणि, पुरेजाते तीणि, पच्छाजाते तीणि, कम्मे तीणि, विपाके नव, आहारे तीणि, इन्द्रिये नव, झाने तीणि, मग्गे नव, सम्पयुत्ते नव, विप्पयुत्ते पञ्च, अत्थिया नव, अविगते नव (संखित्तं).

पच्चनीयुद्धारो

४७९. हेतु उप्पन्नो धम्मो हेतुस्स उप्पन्नस्स धम्मस्स सहजातपच्चयेन पच्चयो (संखित्तं).

४८०. नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे तीणि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं. इमम्हि दुकतिके पटिच्चवारम्पि सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि अनुप्पन्नम्पि उप्पादीपि नत्थि.)

हेतुदुकउप्पन्नत्तिकं निट्ठितं.