७. पञ्हावारो

पच्चयचतुक्कं

हेतुपच्चयो

८८. हेतु दुक्खाय वेदनाय सम्पयुत्तो धम्मो हेतुस्स दुक्खाय वेदनाय सम्पयुत्तस्स धम्मस्स हेतुपच्चयेन पच्चयो. हेतु दुक्खाय वेदनाय सम्पयुत्तो धम्मो नहेतुस्स दुक्खाय वेदनाय सम्पयुत्तस्स धम्मस्स हेतुपच्चयेन पच्चयो. हेतु दुक्खाय वेदनाय सम्पयुत्तो धम्मो हेतुस्स दुक्खाय वेदनाय सम्पयुत्तस्स च नहेतुस्स दुक्खाय वेदनाय सम्पयुत्तस्स च धम्मस्स हेतुपच्चयेन पच्चयो. (३)

आरम्मणपच्चयादि

८९. हेतु दुक्खाय वेदनाय सम्पयुत्तो धम्मो हेतुस्स दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… तीणि.

नहेतु दुक्खाय वेदनाय सम्पयुत्तो धम्मो नहेतुस्स दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… तीणि.

हेतु दुक्खाय वेदनाय सम्पयुत्तो च नहेतु दुक्खाय वेदनाय सम्पयुत्तो च धम्मा हेतुस्स दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… तीणि (संखित्तं).

९०. नहेतु दुक्खाय वेदनाय सम्पयुत्तो धम्मो नहेतुस्स दुक्खाय वेदनाय सम्पयुत्तस्स धम्मस्स कम्मपच्चयेन पच्चयो… तीणि (संखित्तं).

९१. हेतुया तीणि, आरम्मणे नव, अधिपतिया तीणि, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, आसेवने नव, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते नव, अत्थिया नव, नत्थिया नव, विगते नव, अविगते नव (अनुलोमं).

पच्चनीयुद्धारो

९२. हेतु दुक्खाय वेदनाय सम्पयुत्तो धम्मो हेतुस्स दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

९३. नहेतुया नव, नआरम्मणे नव, नअधिपतिया नव (संखित्तं, पच्चनीयं).

हेतुपच्चया नआरम्मणे तीणि (संखित्तं, अनुलोमपच्चनीयं).

नहेतुपच्चया आरम्मणे नव (संखित्तं, पच्चनीयानुलोमं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)