१-६. पटिच्चवारादि

पच्चयचतुक्कं

हेतुपच्चयो

४६९. हेतुं मग्गाधिपतिं धम्मं पटिच्च हेतु मग्गाधिपति धम्मो उप्पज्जति हेतुपच्चया… तीणि.

नहेतुं मग्गाधिपतिं धम्मं पटिच्च नहेतु मग्गाधिपति धम्मो उप्पज्जति हेतुपच्चया… तीणि.

हेतुं मग्गाधिपतिञ्च नहेतुं मग्गाधिपतिञ्च धम्मं पटिच्च हेतु मग्गाधिपति धम्मो उप्पज्जति हेतुपच्चया… तीणि (संखित्तं).

४७०. हेतुया नव, आरम्मणे नव…पे… कम्मे नव, आहारे नव…पे… अविगते नव (संखित्तं).

नअधिपतिपच्चयो

४७१. हेतुं मग्गाधिपतिं धम्मं पटिच्च हेतु मग्गाधिपति धम्मो उप्पज्जति नअधिपतिपच्चया (संखित्तं).

४७२. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नअधिपतिपच्चया हेतुया नव (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)