१-६. पटिच्चवारादि

पच्चयचतुक्कं

हेतुपच्चयो

४६१. हेतुं मग्गहेतुकं धम्मं पटिच्च हेतु मग्गहेतुको धम्मो उप्पज्जति हेतुपच्चया… तीणि.

नहेतुं मग्गहेतुकं धम्मं पटिच्च नहेतु मग्गहेतुको धम्मो उप्पज्जति हेतुपच्चया… तीणि.

हेतुं मग्गहेतुकञ्च नहेतुं मग्गहेतुकञ्च धम्मं पटिच्च हेतु मग्गहेतुको धम्मो उप्पज्जति हेतुपच्चया… तीणि (संखित्तं).

४६२. हेतुया नव, आरम्मणे नव, अधिपतिया नव…पे… आसेवने नव, कम्मे नव, आहारे नव, इन्द्रिये नव…पे… अविगते नव (संखित्तं).

नअधिपतिपच्चयो

४६३. हेतुं मग्गहेतुकं धम्मं पटिच्च हेतु मग्गहेतुको धम्मो उप्पज्जति नअधिपतिपच्चया (संखित्तं).

४६४. नअधिपतिया छ, नपुरेजाते नव, नपच्छाजाते नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया छ (संखित्तं).

नअधिपतिपच्चया हेतुया छ (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)