१-६. पटिच्चवारादि

पच्चयचतुक्कं

हेतुपच्चयो

४३७. हेतुं सम्मत्तनियतं धम्मं पटिच्च हेतु सम्मत्तनियतो धम्मो उप्पज्जति हेतुपच्चया… तीणि.

नहेतुं सम्मत्तनियतं धम्मं पटिच्च नहेतु सम्मत्तनियतो धम्मो उप्पज्जति हेतुपच्चया… तीणि.

हेतुं सम्मत्तनियतञ्च नहेतुं सम्मत्तनियतञ्च धम्मं पटिच्च हेतु सम्मत्तनियतो धम्मो उप्पज्जति हेतुपच्चया… तीणि (संखित्तं).

४३८. हेतुया नव, आरम्मणे नव, अधिपतिया नव…पे… पुरेजाते नव, आसेवने नव, कम्मे नव, आहारे नव…पे… अविगते नव (संखित्तं).

नअधिपतिपच्चयो

४३९. हेतुं सम्मत्तनियतं धम्मं पटिच्च हेतु सम्मत्तनियतो धम्मो उप्पज्जति नअधिपतिपच्चया (संखित्तं).

४४०. नअधिपतिया छ, नपुरेजाते नव, नपच्छाजाते नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया छ (संखित्तं).

नअधिपतिपच्चया हेतुया छ (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)