७. पञ्हावारो

पच्चयचतुक्कं

हेतुपच्चयादि

४२५. हेतु पणीतो धम्मो हेतुस्स पणीतस्स धम्मस्स हेतुपच्चयेन पच्चयो… तीणि.

नहेतु पणीतो धम्मो नहेतुस्स पणीतस्स धम्मस्स आरम्मणपच्चयेन पच्चयो… तीणि.

हेतु पणीतो धम्मो हेतुस्स पणीतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि (संखित्तं).

४२६. हेतुया तीणि, आरम्मणे तीणि, अधिपतिया छ, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, कम्मे तीणि, विपाके नव, आहारे तीणि, इन्द्रिये नव, झाने तीणि, मग्गे नव, सम्पयुत्ते नव, अत्थिया नव…पे… अविगते नव (संखित्तं).

पच्चनीयुद्धारो

४२७. हेतु पणीतो धम्मो हेतुस्स पणीतस्स धम्मस्स सहजातपच्चयेन पच्चयो… उपनिस्सयपच्चयेन पच्चयो (संखित्तं).

४२८. नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे तीणि (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

हेतुदुकहीनत्तिकं निट्ठितं.