१-६. पटिच्चवारादि

पच्चयचतुक्कं

हेतुपच्चयो

४०५. हेतुं हीनं धम्मं पटिच्च हेतु हीनो धम्मो उप्पज्जति हेतुपच्चया… तीणि.

नहेतुं हीनं धम्मं पटिच्च नहेतु हीनो धम्मो उप्पज्जति हेतुपच्चया… तीणि.

हेतुं हीनञ्च नहेतुं हीनञ्च धम्मं पटिच्च हेतु हीनो धम्मो उप्पज्जति हेतुपच्चया… तीणि (संखित्तं).

४०६. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, आसेवने नव, कम्मे नव, आहारे नव…पे… अविगते नव (संखित्तं).

नहेतु-नअधिपतिपच्चया

४०७. नहेतुं हीनं धम्मं पटिच्च हेतु हीनो धम्मो उप्पज्जति नहेतुपच्चया. (१)

हेतुं हीनं धम्मं पटिच्च हेतु हीनो धम्मो उप्पज्जति नअधिपतिपच्चया… तीणि.

नहेतुं हीनं धम्मं पटिच्च नहेतु हीनो धम्मो उप्पज्जति नअधिपतिपच्चया… तीणि.

हेतुं हीनञ्च नहेतुं हीनञ्च धम्मं पटिच्च हेतु हीनो धम्मो उप्पज्जति नअधिपतिपच्चया… तीणि (संखित्तं).

४०८. नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नहेतुपच्चया आरम्मणे एकं (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)