७. पञ्हावारो

पच्चयचतुक्कं

हेतुपच्चयादि

३९३. हेतु महग्गतारम्मणो धम्मो हेतुस्स महग्गतारम्मणस्स धम्मस्स हेतुपच्चयेन पच्चयो… तीणि.

हेतु महग्गतारम्मणो धम्मो हेतुस्स महग्गतारम्मणस्स धम्मस्स आरम्मणपच्चयेन पच्चयो… नव.

हेतु महग्गतारम्मणो धम्मो हेतुस्स महग्गतारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि.

नहेतु महग्गतारम्मणो धम्मो नहेतुस्स महग्गतारम्मणस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि.

हेतु महग्गतारम्मणो च नहेतु महग्गतारम्मणो च धम्मा हेतुस्स महग्गतारम्मणस्स धम्मस्स अधिपतिपच्चयेन पच्चयो – आरम्मणाधिपति… तीणि (संखित्तं).

३९४. हेतुया तीणि, आरम्मणे नव, अधिपतिया नव…पे… निस्सये नव, उपनिस्सये नव, आसेवने नव, कम्मे तीणि, विपाके नव, आहारे तीणि…पे… अविगते नव (संखित्तं).

पच्चनीयुद्धारो

३९५. हेतु महग्गतारम्मणो धम्मो हेतुस्स महग्गतारम्मणस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (संखित्तं).

३९६. नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)