१-६. पटिच्चवारादि

पच्चयचतुक्कं

हेतुपच्चयो

३६३. हेतुं महग्गतं धम्मं पटिच्च हेतु महग्गतो धम्मो उप्पज्जति हेतुपच्चया… तीणि.

नहेतुं महग्गतं धम्मं पटिच्च नहेतु महग्गतो धम्मो उप्पज्जति हेतुपच्चया… तीणि.

हेतुं महग्गतञ्च नहेतुं महग्गतञ्च धम्मं पटिच्च हेतु महग्गतो धम्मो उप्पज्जति हेतुपच्चया… तीणि (संखित्तं).

३६४. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते नव, आसेवने नव, कम्मे नव, विपाके नव, आहारे नव…पे… अविगते नव (संखित्तं).

नअधिपतिपच्चयो

३६५. हेतुं महग्गतं धम्मं पटिच्च हेतु महग्गतो धम्मो उप्पज्जति नअधिपतिपच्चया (संखित्तं).

३६६. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव (संखित्तं).

हेतुपच्चया नअधिपतिया नव (संखित्तं).

नअधिपतिपच्चया हेतुया नव (संखित्तं).

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा वित्थारेतब्बा.)