१. विभङ्गवारो

हेतुपच्चयो

४०. संकिलिट्ठं धम्मं पटिच्च संकिलिट्ठो धम्मो उप्पज्जति हेतुपच्चया – संकिलिट्ठं एकं खन्धं पटिच्च तयो खन्धा…पे… द्वे खन्धे…पे…. (१)

संकिलिट्ठं धम्मं पटिच्च असंकिलिट्ठो धम्मो उप्पज्जति हेतुपच्चया – संकिलिट्ठे खन्धे पटिच्च चित्तसमुट्ठानं रूपं. (२)

संकिलिट्ठं धम्मं पटिच्च संकिलिट्ठो च असंकिलिट्ठो च धम्मा उप्पज्जन्ति हेतुपच्चया – संकिलिट्ठं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

असंकिलिट्ठं धम्मं पटिच्च असंकिलिट्ठो धम्मो उप्पज्जति हेतुपच्चया – असंकिलिट्ठं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा, एकं महाभूतं…पे…. (१)

संकिलिट्ठञ्च असंकिलिट्ठञ्च धम्मं पटिच्च असंकिलिट्ठो धम्मो उप्पज्जति हेतुपच्चया – संकिलिट्ठे खन्धे च महाभूते च पटिच्च चित्तसमुट्ठानं रूपं (संखित्तं). (१)

१. पच्चयानुलोमं

२. सङ्ख्यावारो

४१. हेतुया पञ्च, आरम्मणे द्वे, अधिपतिया पञ्च, अनन्तरे द्वे, समनन्तरे द्वे, सहजाते पञ्च, अञ्ञमञ्ञे द्वे, निस्सये पञ्च, उपनिस्सये द्वे, पुरेजाते द्वे, आसेवने द्वे, कम्मे पञ्च, विपाके एकं, आहारे पञ्च (संखित्तं), अविगते पञ्च.