१-४. पच्चयानुलोमादि

हेतुपच्चयो

१८५. उपेक्खासहगतं धम्मं संसट्ठो उपेक्खासहगतो धम्मो उप्पज्जति हेतुपच्चया – उपेक्खासहगतं एकं खन्धं संसट्ठा द्वे खन्धा, द्वे खन्धे …पे… पटिसन्धिक्खणे…पे…. (यथा सवितक्कदुकं सम्पयुत्तवारो एवं कातब्बो.)

हेतुया छ, आरम्मणे छ (सब्बत्थ छ), अविगते छ.

अनुलोमं.

उपेक्खासहगतं धम्मं संसट्ठो उपेक्खासहगतो धम्मो उप्पज्जति नहेतुपच्चया – अहेतुकं उपेक्खासहगतं एकं खन्धं संसट्ठा द्वे खन्धा, द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो. (एवं पञ्च पञ्हा यथा सवितक्कदुके एवं कातब्बा.)

नहेतुया छ, नअधिपतिया छ, नपुरेजाते छ, नपच्छाजाते छ, नआसेवने छ, नकम्मे चत्तारि, नविपाके छ, नविप्पयुत्ते छ.

पच्चनीयं.